വീട്ടിൽ
കട്ടൻ ചായ മാത്രം
കുടിച്ചു ശീലിച്ച
മകനെ
ഹോട്ടലിൽ കൊണ്ടുപോയ
അച്ഛൻ മകനോട് :
ചായ വേണോ ,
പാലുംവെള്ളം വേണോ ?
അടുത്ത മേശയിൽ
ആദ്യമായി പാൽ ചായ
കണ്ട മകൻ
ചായ എന്നാൽ
അവന് കട്ടൻചായയായിരുന്നു
അതുകൊണ്ട്
പാലുംവെള്ളം
മതി എന്ന് പറഞ്ഞു ,
സത്യത്തിൽ
അവൻ ഉദ്ധേശിച്ചത്
പാൽചായയായിരുന്നു
എങ്കിലും
ആദ്യമായി കുടിച്ച
പാലുംവെള്ളം
അവന് ഇഷ്ട്ടപ്പെട്ടു ,
ഇഷ്ട്ടപ്പെടാതിരിക്കാൻ
അവൻ ഇതിനുമുമ്പ്
പാൽചായ കുടിച്ചിട്ടില്ലല്ലോ -
ഇനി അച്ഛൻ
ചോദിക്കുമ്പോൾ
ചായ എന്ന് പറയാം
എന്ന് തീരുമാനിച്ച്
അച്ഛന്റെ കൈ പിടിച്ച് അവൻ
കടയുടെ പുറത്തേക്ക് നടന്നു .
(ഒരു ചെറിയ പൊതിയുമായി ) .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ