പിൻവിളി

അകലെയാണെങ്കിലും 
ഈ മഴക്കൈകൾ നീട്ടി 
തഴുകുന്നു ഞാൻ നിന്നെ 
വീണ്ടും -പൂവേ
തഴുകുന്നു ഞാൻ നിന്നെ
വീണ്ടും-
നിനക്കേറെ
ഇഷ്ടമുള്ളോരാ
മഴനൂലുകൊണ്ടൊരു
പുടവ തീർത്തൂ
ഞാനീ മഴനൂലുകൊണ്ടൊരു
പുടവ തീർത്തു -
ഒരു പൂവ് കൊണ്ടൊരു
പൂക്കാലം തീർക്കുമെൻ
വസന്തത്തെയാരറിയാൻ
അകലെയാണെങ്കിലും
ഈ മഴക്കൈകൾ കൊണ്ടൊരു
വസന്തത്തെയറിയാൻ
മോഹിച്ചു പോയി ഞാൻ -
ഈ വസന്തവും പോകയാണോ
ഈ പുഷ്പവും വാടുകയാണോ
കാലമേ -വന്മതിൽ പോലൊരു
വർഷവും -എന്നുള്ളിൽ
തീർക്കുന്ന വേദനകൾ
എങ്ങനെ പെയ്തൊഴിയും
ഈ ത്രിസന്ധയിൽ
എന്നുമ്മറപ്പടിയിൽ ഞാൻ
ഒരേക താരമായ്‌
മാറുന്നുവോ
മരീചിക പോലൊരു
പിൻവിളിയിൽ
ഞാനുണർന്നൊന്നെണീക്കവേ
പിന്നെയും തേക്കുകയാണോ
കാലമേ നീയെന്നെ പിന്നെയും
തേക്കുകയാണോ നിർദയം
നിൻ പിൻവിളി വ്യാജമാണോ
നിൻ വളകിലുക്കം തോന്നലാണോ
അടുത്താണെങ്കിലും
എൻ മടിത്തത്തിലാണെങ്കിലും
എത്രയോ ദൂരം അകലെയാണ് നാം
അകലെയാണെങ്കിലും
ഈ മഴക്കൈകൾ നീട്ടി
തഴുകുന്നു ഞാൻ നിന്നെ
വീണ്ടും -പൂവേ
തഴുകുന്നു ഞാൻ നിന്നെ
വീണ്ടും .