പ്രണയ നാളില്
നീ ചൂടിയ റോസാപ്പൂവുകള്ക്ക്
തെരുവില്
കുത്തിയൊലിച്ചൊഴുകിയ
രക്തത്തിന്റെ
നിറമായിരുന്നല്ലോ പെണ്ണെ ,
ചിന്തകള്ക്ക്
തീപിടിച്ച ഞാന്
ഗന്ധരാജന്
പൂക്കളുടെ മണം തേടി
നിന്നെലേക്കണഞ്ഞപ്പോള് -
ശവംനാറി പ്പൂക്കളുടെ
പൂങ്കാവനങ്ങള്
എന്നെ കാത്തിരിക്കുന്നത്
അറിഞ്ഞതേയില്ല .
അവസാനിച്ച
സന്ധ്യയെയും
പൊഴിഞ്ഞ
പൂക്കളെയും
മുഷിഞ്ഞ
കാത്തിരുപ്പുകളെയും
ഓര്ത്തു വിഷമിച്ച നമ്മള് ..
പിന്നീട്
ചോരവീണ് കുതിര്ന്ന
മണ്ണിലൂടെ ,തിരകള് പാഞ്ഞു
കയറിയ തലച്ചോറുകളിലൂടെ
ഭരണ കൂടം കൊന്നു തള്ളിയ
മനുഷ്യരിലൂടെ ,
കാരാഗ്രഹത്തിലെ
നിരപരാധികളിലൂടെ
ആയിരം വട്ടം അഴിഞ്ഞു വീണ
മാനത്തിന്റെ മടിക്കുത്തിലൂടെ...എല്ലാം
മനസ്സിലെ സന്തോഷം
കുത്തിയൊലിച്ചു
പോയപ്പോള് ...
ഓര്ക്കുന്നു ഞാന് -
പ്രണയ നാളില് നീ
ചൂടിയ റോസാപ്പൂവുകള്ക്ക്
തെരുവില്
കുത്തിയൊലിച്ചൊഴുകിയ
രക്തത്തിന്റെ
നിറമായിരുന്നല്ലോ എന്ന് .
ഷിയാസ് .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ