ഇനിയില്ലെരിക്കലും ഈ വഴി സന്ധ്യേ
ആവണികള്
ആവണികള്
ഉമ്മവക്കാത്തോരീ
നാട്ടു വഴിയെ...
നെല്ക്കതിര്
നൃത്തം വക്കാത്തോരീ
വയല് വരമ്പിലൂടെ...
സന്ധ്യകള്
കഥപറയാത്തോരീ
മാവിന് ചുവട്ടിലൂടെ...
ആത്മാവില്
ഉമ്മവച്ചുറങ്ങാത്തോരീ
നദി ക്കരയിലൂടെ....
കണിക്കൊന്നകള്
പ്രണയിക്കാത്തോരീ
വസന്തത്തിലൂടെ .....
ഇനി ഞാന് തിരിഞ്ഞു നടക്കട്ടെ
ഇലഞ്ഞിപ്പൂ മണം
തങ്ങിയ നിന്
മുടിയിഴകളില് നിന്നും...
പൂതിയോടെ
വാരിപ്പുണര്ന്ന
പുഴ മണ് തരികളില് നിന്നും...
വയല്പ്പൂക്കള്
കരഞ്ഞു തളര്ന്ന
ഈ മരിച്ച മണ്ണില് നിന്നും...
പരല് മീനുകള്
ചത്ത് പൊങ്ങിയ
പാന പാത്രത്തില് നിന്നും...
എന്നിട്ട് ഞാന് കയറിചെല്ലട്ടെ
അന്തരിച്ച പൂക്കളെ
അടക്കം ചെയ്ത
കല്ലറകളിലേക്ക്....
നിശാ ഗന്ധികളെ
വിധവകളാക്കിയ
നിലാവിലേക്ക്...
നാല് ക്കവലകളില്
നാട്ടിയ കഴുമരങ്ങളിലേക്ക്....
മുലകളില് നിന്ന്
രക്തം ചുരത്തിയ
മാതാക്കളിലേക്ക്....
താണ്ഡവ മാടുന്ന
ശൈശവ പട്ടിണി
വേളികളിലേക്ക്...
വിഹായസ്സിലേക്ക്
പറന്നുയര്ന്ന
മനസ്സിന്റെ
ആര്ദ്രതയിലേക്ക് ....
ഇവിടെ നിന്നും
ഇനിയില്ലൊരിക്കലും ആ വഴി സന്ധ്യേ .
ഷിയാസ് ...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ