ഹൃദയം നുറുങ്ങുന്ന വേദനയിലും
അവര് പഠിക്കാന് ശ്രമിച്ചു
ജനിച്ചാല് മരിക്കണമെന്ന പാഠം.
മരണം വിതച്ചു പോകുന്നത്
കൊയ്തെടുക്കാന് കഴിയാത്ത
നൊമ്പരങ്ങള് മാത്രം .
മനസ്സില് ഉദരത്തില്
രക്തത്തില് ഞരമ്പുകളില് എല്ലാം
മരണം വിതച്ച വേദനയുടെ
വിത്തുകള് - കുഴിമാടത്തില് നിന്ന്
പിരിയും മുന്പേ വളര്ച്ച തുടങ്ങും .
കളിചിരികള്ക്കിടയില്
ഒരാളെ പെട്ടന്ന് അപ്രത്യക്ഷനാക്കുന്ന
മായാജാലക്കാരനായ മരണം -
മാഞ്ഞുപോകാന് ഇഷ്ടമില്ലാത്തവരെ
തട്ടിയെടുക്കുന്നു .
ദുഖത്തിന്റെ പുതിയ കണ്ണുനീര്
ചാലില് നൊമ്പരങ്ങളുടെ രാപ്പകലുകള്
മാഞ്ഞു പോയവരെ പരതി നടക്കും .
മഴയായി
നിലാവായി
നക്ഷത്രമായി
അവര് നമ്മുടെ
കരള് കൊത്തി
വലിക്കുമ്പോഴും
വീണ്ടും ആ പാഠം പഠിക്കാന്
പാടുപെടുകയായിരുന്നു
മാഞ്ഞു പോയവര് മടങ്ങി
വരില്ലെന്ന പാഠം .
ഷിയാസ് .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ