വീണിതല്ലോ കിടക്കുന്നു
നിയമത്തിന്റെ ചിലന്തിവലയില്
ഒരു കുറ്റവാളി - ഇവന് പിന്നില്
കസേരകള്ക്കിളക്കം
തട്ടുന്ന യാതൊന്നുമില്ല -
ഭരണ മുഖ്യന്മാര്
കടന്നല് കൂട് പോലെ ഇളകുന്ന
വിവാദങ്ങള് ഒന്നുമില്ല -ഇവനാണ്
അവന് ,നമ്മള് കാത്തിരുന്ന കുറ്റവാളി !
നിയമം സട കുടഞ്ഞെഴുന്നേറ്റു
കറുത്ത കോട്ടിട്ട രൂപങ്ങള് അവനു ചുറ്റും
ആനന്ദ നൃത്തമാടി -
വിജയ കാഹളം മുഴക്കി
കിഴവന് നിയമം ചുറ്റിക പലവട്ടം
മേശമേല് ആഞ്ഞടിച്ച് ആഖ്രോഷിച്ചു ,
നിയമങ്ങള് ഇവിടുണ്ടെന്ന്
എല്ലാരും അറിയട്ടെ , ശിക്ഷ വിധിക്കട്ടെ !!!
തമ്പ്രാക്കന്മാര്ക്ക് മുന്നില്
ഓച്ചാനിച്ച് നിന്ന നിയമങ്ങള്
പരാജയ ഭീതിയില്ലാതെ
വകുപ്പുകളുടെ ആയിരം തലകള്
വിടര്ത്തി സംഹാര നൃത്തമാടി
അവനുമേല് പെയ്തിറങ്ങി ,ശിക്ഷ വിധിച്ചു !!!
(ഷിയാസ് ).
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ