മരമേത് മക്കളെ
വരുംകാല
വറുതി തടയാൻ
നിങ്ങൾ
പ്ലാവുകൾ നട്ടോ
മാവുകൾ നട്ടോ
പേരകൾ നട്ടോ
തെങ്ങുകൾ നട്ടോ
മരം
നടാനൊരു ദിനം
വേണമെന്നായി
എന്നിട്ടും ഈ മരങ്ങൾ
നട്ടിട്ടില്ലെങ്കിൽ
പിന്നെ നിങ്ങൾ
നട്ടതെന്ത്
തണൽ
മരങ്ങളോ
പൂ മരങ്ങളോ
സുന്ദര മരങ്ങളോ ?
നമുക്കെന്തിന്
പൂമരങ്ങൾ
തണലും ഭക്ഷണവും
ഒരു മരം തരുമെങ്കിൽ
തണലിന് മാത്രമായി
എന്തിനൊരു മരം
പ്ലാവുകളുള്ള
ആദിവാസി ഊരുകളിൽ
പട്ടിണി മരണങ്ങളുണ്ടാകുമോ
പട്ടിണിയെ തടുക്കാൻ
നാടിന് ചുറ്റും പ്ലാവുകൾ കൊണ്ട്
മതിലുകെട്ടാൻ നാം എന്ന് പഠിക്കും ?
നിങ്ങൾ നട്ട
മരമേത് മക്കളെ ..............
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ