വിവാഹവും പഴത്തോട്ടവും

വിശന്ന്
വലഞ്ഞ മനുഷ്യൻ
കൊതിയൂറുന്ന
മാമ്പഴങ്ങൾ കുലച്ച്
പഴുത്ത് കിടക്കുന്ന
തോട്ടത്തിലൂടെ
ഒരു മാമ്പഴം പോലും
പറിക്കാനോ
കഴിക്കാനോ കഴിയാതെ
ക്രൂരരായ തോട്ടക്കാർ
കാവൽനിൽക്കുന്ന
ആ തോട്ടത്തിൽ
തെക്ക് വടക്ക് നടക്കുകയും -

അതേ സമയം
കഴിക്കപ്പെടാനും
പറിക്കപ്പെടാനും
വെമ്പി വെമ്പി
മൂത്ത് പഴുത്ത
മാമ്പഴങ്ങൾ
ഒരു തൊടൽ
പോലുമേൽക്കാതെ
പഴുത്ത് വീണ്
നിലം പതിച്ച്
മണ്ണടിയുകയും
ചെയ്യുന്ന ആ തോട്ടത്തിൽ -

ക്രൂരനായ
തോട്ടക്കാരന്റെ
ഔദാര്യത്തിൽ
അയാൾക്ക്‌ കയ്യെത്തുന്ന
ഏതെങ്കിലും ഒരു മാങ്ങ
അയാൾക്ക്‌ തോന്നുന്ന സമയത്ത്
പറിച്ചെടുത്ത്
വിശന്ന് വലഞ്ഞ്
ചാവാറായ
ആ മനുഷ്യന് നൽകുന്ന
ക്രൂരതയാണ്

നമ്മുടെ വിവാഹങ്ങൾ.